’سرد جنگ‘ واري دور جو اصطلاح ، جيڪو آمريڪا طرفان نيوڪليائي ميزائيلن جي انگ جي معاملي ۾ سوويت يونين کان پوئتي رهجي وڃڻ واري ڪيفيت جي نشاندهي ڪري ٿو. ماهرن جو خيال آهي، ته آمريڪي صنعتڪار H. Rowan Gaither جي سرواڻي ۾ صدر ’آئزن هاور‘ پاران جوڙيل ’سائنسي صلاحڪار ڪاميٽي‘ طرفان 7- نومبر 1957ع تي “Deterrence and Survival in the Nuclear Age” جي عنوان سان پيش ڪيل رپورٽ وڌاءَ تي ٻڌل هئي ۽ ان جو اصل مقصد هٿيارن جي ڊوڙ کي وڌائڻ هو. ان ڪيس کي مضبوط ڪرڻ لاءِ صدر آئزن هاورکي سوويت برتريءَ جو مقابلو ڪرڻ بجاءِ هن طرفان ٿيندڙ امڪاني حملي کان ”غير روايتي بچاءَ“ جو تجويزون ڏنيون ويون، جنهن کي بنياد بڻائيندي آمريڪا نيوڪليائي ڊوڙ ۾ گوءِ کٽڻ جون ڪوششون شروع ڪيون. ان جو هڪ ثبوت ’گيدر رپورٽ‘ ۾ آمريڪي جاسوسي کاتي ’سي آئي اَي‘۽ آمريڪي هوائي فوج جي ڪيل ساراهه ۽ مڃتا پڻ آهي .” نيوڪليائي ڊوڙ ۾ آمريڪي پستيءَ“ وارو راڳ1- 4 آڪٽوبر 1957ع ۾ سوويت يونين پاران پولار ڏانهن ’اسپوتنڪ- 1‘ موڪلڻ واري اڳڀرائيءَ کي جواز بڻائيندي ڇيڙيو ويو